السلام عليكم ورحمه الله وبركاته
..
أعـود لكـم بـ محـاوره بيـن شـاعـر النظـم المبـدع . حامـد زيـد العازمـي . وشـاعـر النظـم والمحـاوره . مسـاعـد بـن جبـران العازمـي . من الممكـن أن تكـون أول محـاوره لـ حامـد زيـد . لكنه أبـدع فيهـا مثـل إبـداعـه بـ النظـم . ومسـاعـد بـن جـبران . شـاعـر محـاوره من الطـراز الأول ..
أتـرككـم مع المحـاوره ..
حامد :
يا مساعد بيض الله وجه صدمات الليالي
علمني كيف أعرف اللي معي واللي عليه
لعنبو جد الطعون إن جات من غالي لغالي
ولعنبو جد الخوي اللي يجنب عن خويـه
مساعد :
كل شي ٍ صار في دنيـاك درس ولا تبالـي
ضربة ما تقسمك نصين تدفع عنـك سيـه
ما جرى لك من صدوف الوقت ياحامد جرالي
لكن أساير ظروف الوقت وعزومـي قويـه
حامد :
أبتسم وأضحك وأجامل وإلا أنا مانيـب خالـي
يامساعد ليت ربعي يعرفـون اش صـار فيـه
إن ضحكت أضحك معاهم وإن بكيت أبكي لحالي
والرجل لو ما فزع لك طيب يفزع لـك حميـه
مساعد :
لا تبينها ترى راس النبا يكشـف مفالـي
كان ما تفرح بعيد الفطر تفرح بالضحيـة
السما والأرض وثمار الشجر يابن الحلالي
علمن نيوتن اللي مـات سـر الجاذبيـة
حامد :
كيف أجنب عن حقوقي والعطا من راس مالي
العطيـة بالعطيـة والخطـيـة بالخطـيـة
يعلم الله لا اجتمع عنتر وأبو زيـد الهلالـي
ما أعذلوا قيس الملوح عن غـرام العامريـة
مساعد :
قبل كسب الحق الأقصى قوم للحق الموالي
وانشد القاضي عن آخر محكمة للعنصرية
وش بقى للسيف والبندق وحماي التوالي
في زمان العولمه وأهل العلوم الشقلبيـه
حامد :
ما تعرف إن الحقوق حقوقنا بأول وتالـي
الحقـوق التاليـة وإلا الحقـوق الأوليـة
كل ما دارت عليك الدايره خلـك شمالـي
. ما يضيق خاطرك صوت الفشق والبندقية
مساعد :
البروق تلوح في عرض السما والسيل سالي
ما تموت من الظما لو عرضوك المهمهيـة
نصبوك أهل العقول الحالمة في الشرق والي
. ما عليك خلاف مهما صار والذمة بريـه
حامد :
لا تبري ذمتك يا مضرب الرجل المثالـي
من يعيش بلا هدف بيعيش مجهول الهوية
والله إني معطي المحتاج من لقمة عيالي
مير ملعون الجدف ما بينت فيـه العطيـه
مساعد :
الزمان اللي صفا لك وأنت غافل ما صفالي
خلها تمشي على درب السنع واقبل هديـة
أنت ما خليت فيهـا لا جنيـه ولا ريالـي
صار لك مدة تقارن بين داب وبيـن حيـة
أتمنـى أنـي وفقـت بـ النـقل . والأختيـار
تقـبلو تحيـاتـي
أخـوكم ./. شـآعـر . معـتـبـر
تحياااااااااااااااااااااااااااات .........................................عبود
الإثنين سبتمبر 29, 2008 6:06 pm
