لو تعرف الخطايا كيف كنـت محـروم
كان سود الليالي يـوم طحـت سمحـت
لو هموم المفـارق مثـل كـل الهمـوم
ماتشوفـون عينـي بالدمـوع سبحـت
ولو تحن المشاكل عقب حـب الخشـوم
كان حبيت خشـم المشكلـه واستحـت
بين صـدة عزيـز وكبريـاء مهـزوم
عين شحت علـى وعيـنٍ استسمحـت
بس مالله خلقني مـن بكـاي معصـوم
وادري انه المحاجر لو تفيض افضحـت
والله اني على جرحي صبـور وكتـوم
لكن ان الدمـوع ان روحـت روحـت
اعذلتنـي ظروفـي وانهكتنـي عـزوم
والوجيه احزنت لي والقلـوب افرحـت
اشهـد ان الليالـي ماتعـرف السلـوم
قلب جافي لقاه ووجـه صافـي بحـت
راهنتنـي تبلـل بالـدمـوع الكـمـوم
ويشهـد الله عليهـا راهنـت واربحـت
احرمت نور عيني من غلا ريـم قـوم
بذرةٍ وارتوتنـي واثمـرت واطرحـت
جـادلٍ دوم ماهـي مثلهـا كـل يـوم
استضاحت غموض وبالغموض اوضحت
دورت بين قلبـي والهـدب درب نـوم
وامرحت وين مـدري المهـم امرحـت
تنحت اسمي بقلبٍ جيـت فيـه معـزوم
واسمها بيـن جلـدي والعظـام انحـت
مثل جفنـي لعينـي بالنعـاس محكـوم
كل مانمت نامت كل ماصحـى صحـت
ماتعارض كلامي غيـر عنـد اللـزوم
بس لا قمت اسولف واندمجت سرحـت
دايم ازعل عليهـا بـس قلبـي رحـوم
وهي تموت بعذابي من تحت لي تحـت
مثل وجه العلاقه فـي ثيـاب الخصـوم
ان تطيبت طابت وان جرحت اجرحـت
خصها الله بوصفٍ مـن خيـال معـدوم
لا اذان اسمعتبـه ولاعيـون المـحـت
كن ربي خلقهـا مـن بيـاض الغيـوم
ومن كفوف السحابـه بالـورد القحـت
عن سواهـا فرقهـا بالقمـر والنجـوم
وكل عذرى تباهـا بالجمـال انزحـت
بالحلا هي كـوم وباقـي النـاس كـوم
كفـتٍ عادلوهـا بالبشـر وارجـحـت
حسبي الله على اللـي مابغاهـا تـدوم
من بعد كيف كانت شوف كيف اصبحت
لاتحقـق وصـال ولا فـراق محتـوم
خطـةٍ قربتنـي للفـشـل وانجـحـت
لعنة العشق تبقى مثل ضـرب السهـوم
لو محى الوقت جرحه صورته ما انمحت
كيف ابنسى وانا اللي من جفاف لسمـوم
ماحشمت العيـون ولا الدمـوع فلحـت
كانهـا بالحميـا كـل ربعـي قــروم
لو يلدون لاصعاب الظـروف صلحـت
اجزم ان كنت ياقلبي شجـاع وجـزوم
لـد لعيـون بنـتٍ لا التفـت الفحـت
ماتهيـن البخيـل الا يديـن الـخـدوم
دام كـف الخطايـا بالجفـا لـوحـت
نطح الباس بـاس ونطـح اللـوم لـوم
وان تهدت تهـد وصيـح ان صيحـت
ياتعيـش بمعـزه ياتمـوت محـشـوم
ودك ان الليالـي لافعـلـت امـدحـت
عمر ضعـف الاراده مايسـر الرخـوم
ضربت السيف لوبيدين الشجاع ذبحـت
تحيات ................... عبود